Aħbarijiet | 06 ta’ Settembru 2009 Nr 150

L-Ewropa fil-pjazza bl-Ingliż

Julia Farrugia

Raħħala li tkellmu magħna u li l-ġimgħa li għaddiet kienu preżenti għal waħda mill-attivitajiet imtellgħa mill-MEUSAC (Malta-EU Steering and Action Committee), urew id-diżappunt tagħhom għall-fatt li dan il-kumitat beda jqassam biss fuljett bl-Ingliż dan meta tliet kwarti tan-nies preżenti la kienu jafu jitkellmu bl-Ingliż u wisq anqas jaqrawh.
L-attività tal-MEUSAC bl-isem “L-Ewropa fil-pjazza” għandha l-għan li sas-17 ta’ Settembru li ġej iddur ħafna pjazez ewlenin Maltin bit-tama li tqanqal djalogu pubbliku dwar suġġetti marbuta mal-Unjoni Ewropea.
“Mort fil-pjazza għax ridt nitgħallem aktar. Ksibt fuljett u ddiżappuntajt ruħi għax kien bl-Ingliż biss,” sostna raġel li jaf iħaddem biss il-lingwa Maltija.
“Hija ħasra kif fir-raħal tiegħi ma kellhomx fuljetti bil-Malti. X’inhi r-raġuni ma nafx. Imma kien jagħmel sens li jekk intefqu l-flus biex ġew stampati l-fuljetti, ikollna għażla jekk hux bil-Malti jew bl-Ingliż,” sostna dan ir-raġel.
“Il-Kummissjoni Ewropea li ffinanzjat dan il-proġett kienet toħroġ aktar b’saħħitha kieku rat li l-fuljett kien ikun maqsum f’żewġ partijiet: dik bl-Ingliż u dik bil-Malti. B’hekk bl-istess karta l-informazzjoni kienet tilħaq udjenza ferm aktar wiesa’.”

Editorijal

Ix-xejn b’xejn

Arkivji 2006-2008

Arkivji 2009