Aħbarijiet | 28 ta’ Ġunju 2009 Nr 140

Diploma fl-Istudji Politiċi mill-Università

Għal darb’oħra d-Dipartiment tal-Public Policy fi ħdan l-Università ta’ Malta li jispeċjalizza f’korsijiet relatati ma’ governanza, politika u s-settur pubbliku, se joffri kors ta’ Diploma fl-Istudji Politiċi.
Dan il-kors ta’ studji se jkun offrut fuq bażi part-time u l-lezzjonijiet jkunu organizzati filgħaxijiet. Fost is-suġġetti li jkunu ttrattati fil-kors insibu l-gvern komparattiv, il-filosofija politika, il-public policy, l-etika politika, is-soċjoloġija politika, id-drittijiet umani u l-istorja tal-istituzzjonijiet governattivi.
Biex kandidat ikun jista’ jsegwi dan il-kors irid jissodisfa r-regolamenti tad-dħul kif stabbiliti mill-Università ta’ Malta. Dawk kollha nvoluti fis-soċjetà ċivili, kunsilli lokali, partiti politiċi u dawk interessati fil-politika b’mod ġenerali għandhom isibu dan il-kors tal-akbar interess u utilità għalihom.
L-applikazzjoni jintlaqgħu fl-Università ta’ Malta skont kif qiegħed jiġi avżat. Għal aktar informazzjoni wieħed jista’ jibgħat email fuq publicpolicy.fema@um.edu.mt

Arkivji 2006-2008

Arkivji 2009