Aħbarijiet | 28 ta’ Ġunju 2009 Nr 140

L-Università se tgħolli l-prezzijiet?

Julia Farrugia

Mhux eskluż li l-Università ta’ Malta tirrevedi l-prezzijiet ta’ numru ta’ korsijiet li toffri fuq bażi part-time. Anke jekk s’issa kollox qed jinżamm mistur, sorsi qrib l-Università sostnew li mhux eskluż li ż-żidiet ikunu implimentati mis-sena akkademika li jmiss.
Matul dawn l-aħħar ġimgħat numru ta’ studenti li staqsew dwar korsijiet partikolari kienu nfurmati li għalissa d-dettalji dwar ċerti korsijiet għadhom mhux magħrufa għaliex l-Università qed tagħmel ‘review’ tal-prezzijiet.
Mitlub jikkonferma jekk hux għaddej dan l-eżerċizzju u liema korsijiet mistennija jogħlew l-Uffiċċju tar-Rettur tal-Università ta’ Malta qal li f’dan l-istadju ma jista’ jagħti l-ebda tagħrif.
L-Uffiċċju tar-Rettur tenna li: “huwa minnu li minn żmien għal żmien l-Università tirrevedi l-miżati tagħha għall-korsijiet. Iżda għalissa m’għandniex aktar dettalji li nistgħu nagħtu.”

Arkivji 2006-2008

Arkivji 2009