Ittri | 28 ta’ Ġunju 2009 Nr 140

Il-prevenzjoni aħjar mill-kura

John M Briffa,
Korrispondent tal-UĦM

Dan il-proverbju ta’ hawn fuq jagħmel sens kbir, kemm għall-persuna kemm għall-pajjiż b’mod ġenerali. Jekk il-bniedem jieħu kura ta’ saħħtu jevita ċertu mard u l-pajjiż min-naħa l-oħra jiffranka l-flus fi ispejjeż tal-isptar u tal-mediċina.
Għalhekk kienet ta’ diżappunt id-deċiżjoni li ttieħdet mill-awtoritajiet tas-Saħħa li jissospendu l-klassijiet tal-aerobics b’xejn li kienu ferm popolari li kienu jsiru b’kollaborazzjoni ma’ numru ta’ Kunsilli Lokali.
Permezz ta’ dawn il-klassijiet tal-aerobics il-parteċipanti kienu jwettqu attività fiżika li skond id-Dipartiment għall-Promozzjoni tas-Saħħa u Prevenzjoni tal-Mard hi l-aħjar forma ta’ eżerċizzju biex tikkontrolla l-ħxuna żżomm il-kundizzjoni ta’ qalbek fi stat ta’ saħħa tajba.
Għalhekk l-appell tiegħi lill-awtoritajiet tas-Saħħa hu biex jaħsbu fis-saħħa tal-poplu u mill-aktar fis jerġgħu jagħtu bidu għall-klassijiet tal-aerobics biex ikollna persuni b’saħħithom u fl-istess ħin ikunu ffrankati spejjeż futuri f’kura għall-mard.

Arkivji 2006-2008

Arkivji 2009