Aħbarijiet | 17 ta’ Mejju 2009 Nr 133

Tonio Borg kiser idu

Tonio Borg, il-Viċi Prim Ministru u Ministru tal-Intern, kiser idu f’inċident bir-rota waqt il-ħin liberu tiegħu. L-inċident seħħ nhar il-Ġimgħa li għadda meta kien isuq ir-rota tiegħu bħalma jagħmel ta’ kuljum fl-inħawi ta’ Ħal-Lija. Għal xi raġuni jew oħra ma kkalkulax sleeping policeman u tar minn fuq ir-rota.
Borg ma tax każ li kien kiser idu sakemm ikla li kellu mal-Kap tal-Kabinett tal-President tal-Kummissjoni Ewropea Joao Vale Almeira żvelat li ma kellux saħħa jċaqlaq idu.
Viżta ta’ malajr l-Isptar Mater Dei wasslet biex il-Ministru jiddaħħal għal X-Ray li żvelat għadam miksur f’idu u kellu jsirlu l-ġibs.
Għada t-Tnejn il-Ministru Tonio Borg mistenni jattendi għal-laqgħa tal-Ministri tal-Affarijiet Barranin fil-Lussemburgu b’idu fil-ġibs.

Arkivji 2006-2008

Arkivji 2009