Ittri | 17 ta’ Mejju 2009 Nr 133

Il-Missjunarji

John Tonna,
B’Kara

F’Birkirkara fl-Oratorju, il-post tas-Soċjetà Missjunarja ta’ San Pawl, kien hawn għadd ta’ patrijiet li qdew il-missjoni tagħhom u li dawn tant kienu ta’ eżempju tajjeb li bqajna niftakruhom. Minn hawn Malta dawn il-patrijiet telqu għall-Missjoni fl-Awstralja, il-Kanada u f’postijiet oħra. Ħafna minnhom għaddew mal-40 sena fil-missjoni u issa rtiraw fil-Mother House Sant’Agata.
Niġbed l-attenzjoni tas-Superjur ta’ din is-Soċjetà biex xi darba dawn jinġiebu darba fl-Oratorju fejn kienu snin ilu biex b’hekk jiltaqgħu ma’ tant nies li bbenefikaw mill-ġid li huma għamlu.
Jien indunajt li dawn il-patrijiet qegħdin Malta mir-rivista Aħna Lilkom. Iżda mhux kulħadd jara din ir-rivista.

Arkivji 2006-2008

Arkivji 2009