Aħbarijiet | 22 ta’ Frar 2009 Nr 121

Sena oħra bla magni tal-condoms fl-Università

Franica Pulis
fpulis@mediatoday.com.mt

Illum xtaqet tiċċekkja mal-Kunsill tal-Studenti Universitarji (KSU) jekk inbidlitx il-fehma dwar li jiddaħlu magni tal-condoms fl-Università wara li l-Assoċjazzjoni tal-Istudenti tal-Mediċina (MMSA) ippreżentatilhom il-proposti ġodda tagħha f”Ottubru li għadda. S’issa ma nbidel xejn.
Din il-gazzetta bagħtet mistoqsijiet ċari lill-Kunsill: “X’inhi l-politka tal-KSU din is-sena dwar il-magni tal-condoms installati fl-Università? Qegħdin taħdmu biex dawn ikunu aċċessibbli f’bosta bini differenti fl-Università? Jekk iva, għaliex? Jekk le, għaliex?”
Iżda l-kordinatur għall-politka soċjali bagħtilna biss il-politka tas-saħħa sesswali li jħaddan il-Kunsill li hi waħda msejsa fuq il-prinċipji tal-Għaqda Dinjija għas-Saħħa (WHO): tal-ABC li ssarraf f’astinenza, li jinżamm sieħeb/ sieħba waħda u li jintuża l-condom.
Il-magni tal-condoms qatt ma jissemmew f’din il-politika minkejja li l-Kunsill jemmen fl-użu tal-condoms waqt atti sesswali.
Il-kwistjoni tal-magni tal-condoms fl-Università tqajmet għall-ewwel darba fl-1993. L-ironija hi li l-condoms saru jistgħu jinxtraw minn kullimkien anki minn ħwienet tal-ħelu iżda l-Università tibqa’ waħda mill-ftit postijiet li tibqa’ tirrifjuta li jinbiegħu mill-bini tagħha.

Intervista
Il-bieb tiegħi dejjem miftuħ

Julia Farrugia tintervista lill-Membru Parlamentari Nazzjonalista Robert Arrigo

Arkivji 2006-2008

Arkivji 2009