Aħbarijiet | 30 ta’ Novembru 2008 Nr 109

L-amnestiji fuq flus moħbija

Settembru 2001 – Diċembru 2002: Il-Gvern iħabbar amnestija għal min għandu investiment barra minn Malta li qatt ma kien dikjarat. L-iskema tar-reġistrazzjoni tal-investiment għalqet f’Diċembru tal-2002 imma mbagħad kien hemm estensjoni sal-aħħar ta’ Diċembru 2003.

April – Ġunju 2005: Il-Gvern jiftaħ skema biex min għandu investimenti barra minn Malta li ma tħallsitx taxxa fuqhom ikun jista’ jirregolarizza l-pożizzjoni tiegħu u saħansitra jġibhom lura Malta.

April – Awissu 2007: Il-Gvern jiftaħ skema speċjali ta’ reġistrazzjoni għal min għandu flus Maltin moħbija u li qatt ma kienu dikjarati għal skopijiet ta’ taxxa. L-iskema titlob li l-flus reġistrati jkunu depożitati f’kont fiss għal sena li fuqu ma jitħallas l-ebda imgħax u fl-istess waqt titħallas penali ta’ bejn erbgħa u sitta fil-mija.