Ittri | 09 ta’ Novembru 2008 Nr 106

Forċina għall-Partit Laburista

Minn Edward Torpiano,
Floriana

Nixtieq ngħaddi kumment dwar l-intervista mas-Segretarju Ġenerali tal-GWU Tony Zarb, ‘Fuq il-ħaddiema riesaq sħab iswed’ li dehret il-Ħadd li għadda.
B’riferenza għat-tariffi tad-dawl u tal-ilma fl-1998 Zarb qal: “Niċħad li m’għamilna xejn għaxar snin ilu. Dakinhar il-General Workers’ Union kienet għamlet pressjoni kbira fuq il-Gvern Laburista u wassalnieh biex ma joħroġx il-kontijiet bit-tariffi ġodda. Dakinhar iddiskutejna mal-Gvern. Ftit nies isemmuha, imma għaxar snin ilu ħadd ma kien ħallas kont wieħed li hu wieħed bit-tariffi għoljin…”
X’kienet ir-raġuni li fi żmien Alfred Sant, is-Segretaju Ġenerali tal-GWU ħeba dan l-aġir mill-poplu u issa, wara dan iż-żmien kollu, qed jikxef dak li suppost ġara? Mur emmnu!
Tgħid, bħas-soltu, dakinhar l-uniku ħsieb tal-GWU kien biss li ma tagħmel l-ebda ħsara lill-Partit Laburista u li sservi ta’ forċina għall-Kap tal-Partit Laburista?
Il-GWU dejjem kienet kelb tal-but.