Ittri | 31 ta’ Awwissu 2008 Nr 96

Il-politika żbaljata ta’ Sammy Meilaq

Minn M. Briffa,
Ħaż-Żabbar

Meta kien qed jindirizza lill-ħaddiema tat-Tarzna Sammy Meilaq, li kien chairman meta fit-Tarzna kien hemm terrur politiku, qal li dan il-Gvern għandu maġġoranza ta’ 1,500 vot u għalhekk hu lleġittimu.
Dan id-diskors hu perikoluż fi stat demokratiku għaliex il-Gvern preżenti ġie elett skont is-sistema demokratika tagħna maqbula bejn il-partiti. Meta kellna Gvern Laburista bejn l-1981 u l-1987 dak kien żgur Gvern illeġittimu għax kellu 5,000 vot inqas mill-PN.
Però dak iż-żmien Sammy Meilaq kien favur Gvern illeġittimu.
Il-Gvern preżenti hu wieħed legali u leġittimu u għandu dritt li jamministra l-pajjiż għall-ġid tal-poplu. Min idaħħal il-politika f’affarijiet trejdunjonistiċi u sensittivi ma jkunx qed jaħdem fl-interess nazzjonali.
Nappella lill-poplu biex ma jħalliex aktar nies bħal Mejlaq jilagħbu bil-futur ta’ pajjiżna.