Pjazzetta | 27 ta’ Lulju 2008 Nr 91

Kalendarju Kulturali għas-Sajf

Festi

Illum
San Ġużepp, Ħaż-Żebbuġ
Il-Madonna tal-Karmnu, Żurrieq u Balluta
Kristu Re, Raħal Ġdid
Sta Margerita, Sannat
Sta Venera, Sta Venera
Sant’Anna, Wied il-Għajn
Id-Duluri, San Pawl il-Baħar

3 ta’ Awwissu
San Duminku, il-Belt
San Pietru tal-Ktajjen, B’Buġa
Il-Madonna ta’ Lourdes, San Ġwann
San Ġużepp, Qala Għawdex
Il-Madonna ta’ Pompei, Marsaxlokk

Festivals

Sa għada
Festival ta’ mużika u żfin Indjan
Grupp ta’ żeffiena immexxija minn Vyjayanthi Kashi se jiżfnu l-Kuchipudi fit-Teatru tal-Kavallier ta’ San Ġakbu. Il-Kuchipudi hi waħda
mis-sitt żifniet klassiċi Indjani li ġejja mill-Indja t’Isfel u titqies bħala żifna sagra. Se jingħata wkoll kunċert mill-vjolinista Anupriya Deotale li se ddoqq minn repertorju Indjan flimkien ma’ tliet mużiċisti oħra u kantanta fil-Kamra tal-Mużika taċ-Ċentru.
Il-biljetti jiswew €15 u €20 għaż-żewġ spettakli li jibdew fid-9pm. Prezz speċjali għall-istudenti, pensjonanti jew nies bla xogħol ta’ €10 jew €15 għat-tnejn.

Sat-3 ta’ Awwissu
Farsons Great Beer Festival
It-28 edizzjoni tkompli għaddejja u tiftaħ kuljum fit-8pm fil-Park f’Ta’ Qali. Illejla jieħdu sehem Thea & Friends, Spiteri Lucas Band, Showbiz High, Pitch 99, Cumshaft u Muzzle.

Mużika

Illum
Kunċerti ta’ Nofsinhar
Jieħdu sehem il-Mezzo Sopran Alexandra Scicluna u l-pjanista Elizabeth Leonardi f’kunċert vokali b’xogħlijiet ta’ Schubert, Brahms, Duparc, Faure, Lully, Bellini, Respighi, Tchaikovsky, Glinka.

Nightlife

Kull nhar ta’ Erbgħa
Tat-Taraġ Wednesdays
Mużika folk u diski oħra jindaqqu live mid-Duo Breezes bl-accordion u l-kitarra. Dakinhar jintwera xogħol minn Nadege Cassar f’Tat-Taraġ Wine Bar, fit-Telgħa tas-Saqajja.

Unplugged Wednesdays
Mużika akustika tindaqq f’Townhouse 5, Triq
ir-Repubblika, fir-Rabat. Tibda fid-9pm u dħul b’xejn. Ċempel 27500055 għal aktar tagħrif.

Kull nhar ta’ Ħamis
Lejliet ta’ Quiz fiċ-Ciao Fra
Kull mejda tieħu sehem b’tim ta’ tnejn sa 12-il ruħ u tingħata 40 mistoqsija b’temi differenti li jridu jitwieġbu f’siegħa. Flixkun inbid jingħata lill-ewwel u t-tieni mejda rebbieħa u €20 jitnaqqsu mill-kont ta’ l-ewwel rebbieħa biss. Il-parteċipazzjoni hi ta’ €2-il persuna. Il-quiz jibda fit-8.30pm u jsir fiċ-Ciao Fra Seafood Bar fit-Telgħa tax-Xemxija, f’San Pawl il-Baħar. Ċempel fuq 99458567 għal aktar tagħrif jew biex tibbukkja post.

Kull nhar ta’ Ġimgħa
The Bridge Bar Jazz Sessions
Il-Jazz fil-Bridge Bar reġa’ beda għal matul is-sajf mid-9pm ’il quddiem. Jittella’ ħdejn Victoria Gate, il-Belt.

Sas-7 ta’ Awissu
Live, Latin & Jazz
Minn nhar il-Ħamis 17 ta’ Lulju se tibda tittella’ mużika live ta’ Latin u Jazz b’taħlita ta’ Blues u Funk fi Q Bar fil-Valletta Waterfront.

Wirjiet

Sa llum
Portrayals
Tpinġijiet u disinni minn Anna Dumicz
fl-Uffiċċju Ewlieni tal-Heritage Malta fil-Belt.

Sal-31 ta’ Lulju
Caesar Attard
L-artist se juri xi xogħlijiet tiegħu fil-Bank of Valletta ta’
Sta Venera. Il-wirja tkun miftuħa mit-Tnejn sal-Ġimgħa bejn it-8am u l-5pm u s-Sibt mid-9am sas-1pm.

Sal-31 ta’ Lulju
Viva
It-tieni wirja ta’ ritratti ta’ Matthew Green fil-gallerija art..e fir-Rabat Għawdex. Il-gallerija tinsab f’1, Triq il-Librerija, Rabat Għawdex. Għal aktar tagħrif żur www.hushabyelifestyles.com.

Żfin

30 ta’ Lulju
Cinderella – A Magical Ballet
Il-ħrafa ta’ Cinderella rakkuntata permezz taż-żfin klassiku fil-Awditorju ta’ Sant Agata fir-Rabat. Il-koreografi huma Johane Casabene u Dorian Mallia. Il-biljetti jiswew €12 għall-kbar u €6 għal tfal taħt l-10 snin. Għal aktar tagħrif ċempel 99427933, 21313690 jew żur www.casabene.com.