Aħbarijiet | 13 ta’ April 2008 Nr 76

Il-ktieb Malti għall-PBS “mhux kummerċjali”

Franica Pulis

F’Mejju ta’ l-2006 il-Kunsill Nazzjonali tal-Ktieb (KNK) daħħal proposta ta’ programm televiżiv għall-iskeda ta’ TVM tax-xitwa ta’ dik is-sena bl-għan li jinġabru novelli importanti u jkunu drammatizzati biex jitkattar l-għarfien dwar il-kotba u l-qari.
Madankollu r-risposta li ħadu mill-PBS kienet li programm bħal dan “mhux kummerċjali.”
Ġorġ Mallia, il-President tal-KNK, żvela dan f’intervista ma’ din il-gazzetta. “Ix-Xandir qalilna li l-proġett tagħna ma kienx kummerċjali biżżejjed. Iżda xorta se niftħu l-bibien. Diġà bgħatna lill-produtturi l-għajnuna tagħna.”
Tkompli fuq paġna 3
Aqra l-intervista ma’ Ġorġ Mallia