Ittri | 06 ta’ April 2008 Nr 75

Prosit għas-seħer fl-Għarb

Minn I. Abela,
Ħal Qormi

Tlajt ma sħabi għall-festival Seħer il-Punent li sar f’Għawdex u bqajt skantat bl-atmosfera sabiħa li kien hemm. Tassew kienet idea tajba ħafna li tista’ tkun addottata f’lokalitajiet oħra madwar Malta u Għawdex.
Nemmen li kull lokalità għandha x’toffri xi ħaġa partikolari f’dik li hi identità, kultura reġjonali u tradizzjonijiet. Hemm bżonn li jkun hemm kalendarju ta’ dawn l-attivitajiet fl-irħula għax jistgħu jkunu attrazzjoni unika għat-turisti apparti li joħolqu divertiment alternattiv għalina l-Maltin.
Iktar ma jsiru fix-xitwa u fix-xhur ta’ qabel is-sajf iktar jgħinu biex jinħolqu attrazzjonijiet ġodda barra l-istaġun tal-festi f’dak iż-żmien meta t-turiżmu jkun kajman.
Għal darb’oħra prosit lill-organizzaturi u nawgura li ħaddieħor jitħajjar jorganizza attivitajiet simili.