Ittri | 30 ta’ Marzu 2008 Nr 74

Oxxenità

Minn Valerie Borg,
Valletta

B’kull responsabbiltà qed nikteb dwar dak li seħħ fit-18 ta’ Marzu fis-2pm meta kont nistenna l-karozza tal-linja ħdejn l-isptar Mater Dei fejn naħdem.
Spettur tal-karozza tal-linja bl-uniformi tax-xogħol kien qed jitlewwem ma’ xi xufiera meta x’ħin ra lil wiċċi nfexx jgħajjar lil Alfred Sant bi kliem oxxen u dispreġġativ fejn sa wasal biex għajru bi kliem li jweġġa’ personalment.
Kelli bilfors nirrikori lejn l-Għassa tal-Pulizija tal-Belt fejn għamilt rapport lil din il-persuna. Nittama li din il-persuna tkun imwissija li ċertu diskors mhux xieraq li tgħidu int u għaddej mit-triq, aħseb u ara fuq il-post tax-xogħol.