Aħbarijiet | 30 ta’ Marzu 2008 Nr 74

Anglu Farrugia

FIL-PARTIT

Favurih
Diskors ċar
Farrugia m’għandux kantunieri, kwalità li d-delegati Laburisti jammiraw.

Kontrieh
Tellief
Għal darbtejn Farrugia ikkontesta għal kariga fit-tmexxija tal-Partit, l-ewwel għal Deputat Mexxej imbagħad għal mexxej, u tilef. Mill-2003 lil hawn Farrugia jista’ jkun li tilef mill-appoġġ intern li qatt ma qabeż it-30 fil-mija tad-delegati.

BARRA L-PARTIT

Favurih
Bla rbit
Farrugia m’għandux irbit kummerċjali li jista’ jxekklu jew ipoġġih f’dawl ikrah.

Kontrieh
Pulizija
Minkejja li kien wieħed mill-pulizija li mexxew il-każ kontra l-eks Kummissarju tal-Pulizija Lawrence Pullicino fil-każ tal-qtil ta’ Nardu Debono, il-fatt li Farrugia kien membru tal-Korp tal-Pulizija fit-Tmeninijiet xejn ma jgħin biex inissel fiduċja fost l-elettorat.

Dehra
Il-lingwaġġ u d-dehra ta’ Farrugia jfakkru wisq fil-militantiżmu tal-passat u għalhekk mhux il-bniedem ideali biex jilħaq lill-klassi medja.

Kritiku għall-UE
Farrugia kien tkellem pubblikament kontra l-Kostituzzjoni Ewropea u għalhekk jista’ jitfa’ fid-dubju l-isħubija ta’ Malta fl-UE jekk ikun mexxej Laburista u eventwalment Prim Ministru.