Is-Segretarju Parlamentari Tonio Fenech ilbieraħ skuża ruħu maċ-Chairman ta’ l-Alternattiva Demokratika Harry Vassallo wara l-kumment barra minn loku li għadda fuq it-tifel tiegħu.
Nhar il-Ġimgħa, f’kumment li ta lil One News dwar id-donazzjoni mill-Fond għall-Kawżi Ġusti lil kumpanija privata, Fenech daħħal fil-kredu lit-tifel ta’ tmien snin ta’ Vassallo mingħajr bżonn. Hu kien qed iwieġeb mistoqsija dwar jekk kienx illegali li minn dan il-fond ibbenefika t-tifel ta’ l-Ispeaker, li għandu kumpanija kummerċjali.
Fenech kien pront wieġeb li “anki t-tifel ta’ Harry Vassallo u tfal oħra ibbenefikaw.”
L-AD ikkritikat l-aġir ta’ Fenech u sostniet li t-tifel ta’ Vassallo “ma missu qatt iżżeffen fin-nofs minn Tonio Fenech biex jipprova jiġġustifika l-għotja ta’ €35,000 mill-gvern sabiex ġiet organizzata din il-logħba.”
Mitlub jikkummenta fuq dan il-każ Fenech qal: “Jekk Harry Vassallo ħa għalih nixtieq napoloġizza.”
It-tifel ta’ Vassallo attenda għal-logħba Juventus-Valletta bħall-bqija tat-tfal l-oħra li jmorru n-nurseries tal-futbol u li ngħataw il-biljett b’xejn.
Intant waqt konferenza stampa l-Ġimgħa filgħaxija, Fenech baqa’ jsostni li ma kienx hemm ksur ta’ liġi u lanqas skopijiet politiċi wara d-deċiżjoni li ttieħdet għat-tqassim tal-fondi.
Wenzu Mintoff
GonziPN
Gonzi for President of the United States of Malta. Kienet ilha ttekktek li n-Nazzjonalisti kienu se jaħdmu din il-kampanja elettorali fuq il-mudell Amerikan, bil-First Lady, bil-bżieżaq, fanfarri u biċ-chewing gum kollu li jgħaqqad il-politika Amerikana.
