Jien ma nagħtix tort li n-Nazzjonalisti għandhom deni jaqbeż il-101 bl-attitudni li ħa Joe Said lejn il-partit tagħhom fuq l-istazzjon Smash waqt il-programm Realtà tal-preżentatur Brian Hansford.
Nemmen li sa ċertu punt anke Lou Bondì għandu raġun ikun urtat bl-imġiba ta’ dan Said. Ir-raġuni li qed ngħid hekk hi li jekk persuna bħal dan iċ-ċertu Said, persuna ta’ ċertu kalibru li forsi hu komdu b’dak li jaqla’ f’paga għall-għixien tiegħu, wasal biex dar kontra l-PN wara li kien attivist għal 14-il sena, kemm iżjed għandhom jitbiegħdu mill-Partit Nazzjonalista dawk li huma
fil-klassi tan-nofs jew fix-xifer tal-linja tal-povertà. Nies bħal Said bis-sinċerità u bl-onestà tagħhom qed “iwerwru”
lin-Nazzjonalisti... u bir-raġun kollu!
Wenzu Mintoff
GonziPN
Gonzi for President of the United States of Malta. Kienet ilha ttekktek li n-Nazzjonalisti kienu se jaħdmu din il-kampanja elettorali fuq il-mudell Amerikan, bil-First Lady, bil-bżieżaq, fanfarri u biċ-chewing gum kollu li jgħaqqad il-politika Amerikana.
