Aħbarijiet | 06 ta’ Jannar 2008 Nr 62

Is-sena tal-vot

Bl-elezzjoni ġenerali ssir sa l-ewwel sitt xhur tas-sena, l-2008 se tkun waħda minn dawk is-snin li tibqa’ immarkata fil-kotba ta’ l-istorja għax tista’ tara lill-Partit Laburista lura fil-Gvern wara nuqqas ta’ 10 snin, jew it-tkomplija tat-tmexxija Nazzjonalista għal kważi kwart ta’ seklu.
B’ekonomija li tista’ tmajna xi ftit minħabba inċertezza domestika u globali, bl-ewro li se jsir parti mill-għaġna ta’ kuljum u bi kriżi fil-provvista ta’ l-enerġija, din is-sena tista’ tkun waħda interessanti ħafna.
Anki jekk kull tbassir ta’ kif se tiżvolġi l-2008 jibqa’ suġġett għal kwistjonijiet u fatti imprevedibbli, Illum twasslilkom elenku ta’ dak li jista’ jinqala’ ibbażat fuq fatti magħrufa, analiżi infurmata kif ukoll xi ftit spekulazzjoni.