Ittri | 06 ta’ Jannar 2008 Nr 62

It-tbissim fil-politika

Minn Edward Torpiano,
Floriana

Bħalma għamlu ħafna oħrajn segwejt l-inizjattiva ġbir ta’ fondi li l-Partit Laburista organizza għall-elezzjoni ġenerali fuq One TV nhar il-Ħamis 13 ta’ Diċembru.
Fl-għeluq ta’ din l-attività minn fuq il-mezzi soċjalisti tax-xandir Alfred Sant qal lill-partitarji li, bħala politiku, hu ma tantx jitbissem u jidħaq mhux kif ħaddieħor hu imdorri jagħmel.
Hawnhekk ftakart f’dak iż-żmien meta mid-9 ta’ Awissu, 1983 sat-8 ta’ Jannar 1985 Alfred Sant kien Chairman ta’ kumitat fi ħdan l-Università ta’ Malta msejjaħ Student Selection Board.
Illum, minkejja d-diffikultajiet u l-problemi, bid-demokrazija li Gvernijiet Nazzjonalisti reġgħu ġabu fil-pajjiż mid-9 ta’ Mejju, 1987, mhux Lawrence Gonzi biss għandu għalfejn jitbissem u jidħaq, iżda l-poplu Malti u Għawdxi kollu.