Aħbarijiet | 16 ta’ Diċembru 2007 Nr 59

Bartolo jammetti telfa

Kurt Sansone
Dik li tista’ titqies bħala l-ewwel ammissjoni ta’ telfa fir-referendum minn Membru Parlamentari Laburista ta’ ċerta stoffa waslet il-ġimgħa li għaddiet waqt il-programm satiriku Teletubi fuq One TV.
F’intervista li saritlu mill-protagonisti Duminka u Joshua, Evarist Bartolo ammetta li l-Partit Laburista tilef ir-referendum għal sħubija fl-Unjoni Ewropea.

ejn ċajta u oħra, b’Duminka tigdmu u tittantah, Bartolo kien mistoqsi dwar ir-referendum. Għall-ewwel ipprova jkun politiku billi qal li kienet kwistjoni ta’ interpretazzjoni imma meta Duminka ‘għafsitu’ ftit ieħor, b’nofs daħka fuq wiċċu Bartolo qal: “bejnietna, naħseb li tlifnieh.”
Mhux ċar jekk Bartolo qalx hekk għax ħawditu Duminka bil-kummenti provokanti li bdiet tgħaddi. Iżda għal persuna magħġun fil-politika u li jaf juża l-media, diffiċli temmen li Bartolo tħawwad. Il-probabbiltà hi li l-eks ministru verament jemmen li l-MLP tilef ir-referendum.