Ittri | 16 ta’ Diċembru 2007 Nr 59

Grazzi lill-kunsill ta’ Birkirkara

Minn Anna Scerri,
B’Kara

Nixtieq nagħmel nota ta’ ringrazzjament lill-kunsillier ta’ B’Kara George Debattista li grazzi għall-ħidma tiegħu, flimkien
mas-sindku u l-kunsilliera kollha ta’ B’Kara, qed isir il-proġett ta’ Riserva ta’ l-Ilma fi Triq Bwieraq f’Birkirkara.
Aħna r-residenti konna ilna s-snin inbatu b’għarar kbar, kulmeta tagħmel ix-xita.
Grazzi għall-insistenza u l-appoġġ ta’ George Debattista, dan il-proġett beda u mistenni li jħalli r-riżultati li lkoll konna qegħdin nixtiequ għall-ġid
tal-familji kollha tagħna.