Ittri| 09 ta’ Diċembru 2007 Nr 58

Il-konsulent

Minn Valerie Borg,
Valletta

Il-Bronk Productions qed jirreklama l-kummidja tiegħu għal żmien il-Milied. Mistenni ħafna daħk iżda jien persważa li aqwa mill-Kummidja tal-Konsulenza ta’ dak li wegħdna li bil-VAT se jorħsu 40,000 prodott, John Dalli, m’hawnx.
Mela fis-sena 2004 Dalli kien f’baħar ta’ inkwiet u llum lejliet l-elezzjoni l-Prim Ministru nduna li l-allegazzjonijet kontra Dalli kienu foloz. Għax ma jgħidx il-Prim Ministru li għandu nkwiet kbir u li l-partit tiegħu hu maqsum minħabba it-tilwim politiku bejnu u bejn Dalli u jrid jirranġa l-affarijiet.
Dalli filli kien mormi mill-partit tiegħu, filli issa sar konsulent. X’affarijiet dawn!