Il-poplu jqisuh xi ġurdien

Minn Mario Muscat,
Hamrun
Meta tasal elezzjoni l-istima tal-politiċi lejn il-poplu minflok li tiżdied tonqos. Dan meta suppost li jagħmlu l-kontra.
Għax ngħiduha kif inhi, dawn il-politiċi jibdew joffrulu kull ħaġa tajba li jistgħu jimmaġinaw li jistgħu jgwadu minnha meta jagħtuhom il-vot.
Ma naħsibx li bosta mill-wegħdiet li jgħidulna jiġuhom kollha f’rashom xhur biss qabel tasal l-elezzjoni.
Dan ifisser li l-politiċi jibdew jimmaġinaw lill-poplu bħala ġurdien li tista’ tiġbdu lejk billi tagħtih il-biċċiet tal-ġobon sakemm iddaħħlu fin-nassa u taqbdu. Fil-każ tagħhom jibqgħu jiġbduk lejhom sakemm jiħdulek il-vot litteralment minn taħt idejk.
Dan huwa nuqqas kbir min-naħa tal-politiċi għax il-votant mhux xi ġurdien!