Evarist Bartolo u ż-żibel

Minn Edward Torpiano,
Floriana

Inwieġeb l-ittra ‘L-istorja taż-żibel’ miktuba minn Evarist Bartolo (Illum, 25 ta’ Novembru) fejn il-Membru Parlamentari Laburista ammetta kontra qalbu li fis-Seduta Parlamentari numru 540 datata it-Tnejn, 21 ta’ Mejju, 2001 waqt diskorsu qal: ‘Iż-żibel tan-naħa l-oħra. Jien dik l-aħjar kelma li nuża għan-naħa l-oħra’.
Hu ċar li dan il-klien intqal fil-konfront tal-Partit Nazzjonalista.
Fl-istess nifs, iżda, qal li hu mhux ‘intolleranti’, mhux ‘preġudikat’, u/jew mhux ‘kattiv’ ma min hu partitarju Nazzjonalista.
Billi Bartolo stqarr li fil-Kamra tar-Rappreżentanti kien sejjaħ lill-avversarji politiċi tiegħu bħala ‘in-naħa taż-żibel’, nixtieq imwieġeb billi ngħidlu li skond il-qawl Malti; l-ispiżjar milli jkollu jtik.