Tisirquniex

Minn Joseph Vella,
San Pawl il-Baħar

Kulħadd għamel għaġeb għax ġejjin Malta l-Juventus. Kulħadd jieħu pjaċir meta jkollok tim kbir li jagħmel żjara f’pajjiżna imma jiddispjaċini ngħid li aħna l-Maltin nidħqu bina nfusna.
Ma jagħmilx sens li l-biljetti tal-grawnd se jkunu Lm45, Lm35, Lm25 u Lm12 biex tara logħba ta’ ħbiberija fejn probabbilment lanqas ma jilagħbu t-tim kollu.
Wara kollox dawn kontra l-Valletta se jilagħbu u mhux ma’ xi tim bħal Inter jew Milan.
Meta kienu ġew Milan il-biljetti kienu iktar moderati fil-prezz anki jekk min ħallas Lm50 biex jattendi għal ikla gala mal-plejers tal-Milan spiċċa jiltaqa’ biss mal-plejers ta’ Birkirkara.
Nappella lil dawk kollha li se jorganizzaw din l-attività unika għall-Maltin biex ma jisirquniex b’dawk it-tip ta’ prezzijiet.