Il-poeżija fil-ħajja

Minn J. Bonett Balzan,
Balluta

Għandi għax inkun grat lejn dawk l-għalliema li kienu bdew idewquni t-togħma tajba tal-poeżija. Anki llum minkejja l-impenji tal-ħajja mhux darba jew tnejn għamilt l-almu biex nattendi għal xi lejla ta’ poeżija organizzati fil-Belt Valletta u Victoria fuq inizjattiva tal-kunsilli lokali.
Dan l-aħħar ukoll f’suppliment ta’ gazzetta barranija qrajt ftit tagħrif dwar persuna b’kunjom Malti, Jemma Borg li rebħet premju għall-poeżija. Fost l-oħrajn din il-persuna ħadmet bħala għalliema u attivista favur l-ambjent u għandha dottorat fil-ġenetika. Hi kellha għadd ta’ poeżiji stampati f’antoloġiji u kienet kwotata li qalet: “Li tirbaħ jagħtik iżjed kunfidenza. Wieħed ma jagħtix lilu nnifsu t-titlu ta’ ‘awtur’ qabel ma dan ikun mgħoti lilek mill-oħrajn.”
Tassew kliem tad-deheb.