Gwardjani, l-edukazzjoni u ċ-ċitazzjonijiet

Minn Kevin Tanti,
Sta Venera

Safejn naf jien l-iskop tal-gwardjani lokali kien li jgħallmu lill-poplu. Maż-żmien kulħadd jaf li dawn aktar bdew jagħtu ċitazzjonijiet milli jedukaw.
Fid-9 ta’ Ottubru rċevejt ċitazzjoni d-dar talli tlett ijiem qabel ma kellix id-dawl tal-karozza kif suppost. Ma nippretendix li ma niħux ċitazzjoni, għax ħaqqni. Iżda nippretendi li l-gwardjan ikollu d-diċenza jwaqqafni u jinfurmani dwar x’għandi ħażin. Jew sakemm iwaqqafni tilħaq tgħaddi xi karozza oħra u taqbiżlu.
Jekk nistenna li gwardjan iwaqqafni u jipprova jedukani dwar xi żball inkun qed nistenna wisq? Jew xogħlu jkun għamlu għax tani ċitazzjoni?