L-Ewwel Reġiment imiss il-qiegħ

Minn Noel Duca,
Mosta

Fl-Ewwel Reġiment hemm nuqqas kbir ta’ suldati kemm minħabba l-għassa li trid issir ma’ l-immigranti irregolari kif ukoll għax qed jidħlu ftit wisq suldati kull sena.
Biex tkompli tgħaxxaqha ħafna suldati qed jitilqu għax isibu xogħol x’imkien ieħor fejn is-sigħat żejda jissarrfu fi flus.
Bħalissa l-qagħda tant hi kritika li s-suldati huma ordnati jaħdmu 24 siegħa żejda bla ħlas kull sitt ijiem, barra l-40 siegħa li jaħdem kulħadd, biex jagħmlu tajjeb għan-nuqqas ta’ suldati li hemm.
Hemm bżonn li tinstab soluzzjoni xierqa fi ftit żmien biex tissolva din is-sitwazzjoni ħalli jogħla l-moral fost is-suldati u l-armata tkun aktar effiċjenti f’xogħolha biex taqdi aħjar liċ-ċittadin.