Taxxi u ġustizzja soċjali

Minn J. Briffa,
Żabbar

Ftit taż-żmien ilu l-GRTU fi stqarrija pubblika qalet li l-Gvern għandu jkompli jnaqqas l-income tax u ssemmiet li għandha titnaqqas l-għola rata ta’ 35 fil-mija. Dan, qalet il-GRTU, biex in-nies ikollha aktar flus x’tonfoq u jiżdied ix-xogħol.
Mhux biżżejjed li tistqarr b’mod simplistiku li għandhom jitnaqqsu t-taxxi biex jiżdied ix-xogħol. It-tnaqqis fit-taxxi jrid ukoll isir b’ġustizzja soċjali.
Fl-aħħar budget it-tnaqqis fit-taxxa tad-dħul sar fil-faxex tan-nofs u dawk li jinsabu fuq. Allura skond il-GRTU għandu jerġa’ jsir l-istess? Persuni minn nofs ’l isfel ukoll għandhom self mal-banek.
Naħseb li fil-mument m’għandux isir tnaqqis fit-taxxa tad-dħul, imma jkun hemm għajnuna diretta lill-familji.