27 ta' Mejju 2007
L-inkwiet ta' Joe Saliba
Gerald Fenech
Minkejja li jinsab kunfidenti li l-Partit Nazzjonalista se jirbaħ l-elezzjoni ġenerali li jmiss, is-Segretarju Ġenerali tal-PN, Joe Saliba ma jaħbix il-fatt li t-twaqqif ta' partit politiku ġdid mill-eks Deputat Nazzjonalista Josie Muscat hu ta' tħassib għall-PN.

Qassis għal kull 853 ruħ
Julia Farrugia
Ċifri li għandha f'idejha din il-gazzetta juru li fil-gżejjer Maltin hawn qassis għal kull 853 ruħ. B'kollox, fiż-żewġ gżejjer, hawn 474 saċerdot djoċesan li 174 minnhom iservu f'Għawdex.
Kollox jindika li f'każ ta' qrara, parir jew servizz reliġjuż f'Għawdex għandek ċans u għażla akbar. Ras għal ras l-Għawdxin għandhom aktar qassisin għad-dispożizzjoni tagħhom. F'Għawdex għal kull 186 resident hemm qassis.

Tifel jitniggeż b'siringa fuq xarabank ta' l-iskola
Julia Farrugia
Id-Diviżjoni ta' l-Edukazzjoni għaddejja b'investigazzjoni interna wara li student mill-iskola Primarja ta' Birżebbuġa tniggeż b'siringa li kienet moħbija f'seat ta' xarabank li ntużat għal attività skolastika.