01 ta' April 2007
Il-Maltin traduti

Illum sirna nafu kemm aħna n-nassaba konna ttraduti bil-kbir mill-PN dwar id-delizzji tradizzjonali tagħna.
Mid-dokumenti li għandha l-FKNK u li rċieva kull nassab u kaċċatur qabel ir-referendum joħroġ ċar li dak li kienet tgħid il-Kampanja għall-Ħelsien Nazzjonali kontra d-dħul ta’ Malta fl-UE kien minnu.
Wasal iż-żmien li bi provi bħal dawn f’idejna kulħadd jiddikjara li Malta kienet ittraduta bi propaganda qarrieqa tal-PN waqt il-kampanja għad-dħul fl-UE.
Kif nistgħu nserrħu moħħna li f’affarijiet oħra mhux se jiġrilna l-istess. Il-Malti jgħid li min lest jagħmel qoffa lest jagħmel qartalla.
Wara kollox id-drittijiet tal-bniedem li tant jiftaħru bihom ta’ l-UE mhux biss inkisru iżda ġew frakassati

M. Camenzuli
Valletta