18 ta' Frar 2007
Emmanuel Micallef u d-dlam

Sa minn mindu ħarġet din il-gazzetta dejjem xtrajt kopja u sibtha ħafna ta’ interess, speċjalment għax ma’ tiżfen ma’ l-ebda karru politku.
Insib ħafna artikli interessanti għalkemm ma nistax nifhem kif Emmanuel Micallef jara kollox iswed.
L-Oppożizzjoni jmaqdarha, lill-Gvern ikasbru, jikkritika lit-televiżjoni, lill-unions u tant affarijiet oħra. Donnu li Micallef jara kollox dlam. Possibbli m’hawn xejn tajjeb f’dan il-pajjiż. Possibbli li l-ebda Oppożizzjoni mhi tajba biex tagħti nifs lil dan il-pajjiż?
Nitlob lil Micallef ikun ftit realistiku f’ħajtu u minflok jipprova jkisser lil kulħadd jagħti ideat ġodda, jekk vera jħobb lil dan il-pajjiż.
Ivan Delia
Raħal il-Ġdid