21 ta' Jannar 2007
Inżarmaw knisja

Il-Malti jgħid: Inżarmaw knisja biex narmaw oħra. Dan hu dak li jidher li qed isir fin-Naxxar. Il-kappella tant popolari ta’ San Pawl tat-Tarġa, li min jaf kemm rat storja u tiġijiet, qed tiżżarma ftit ftit.
U din hi ħasra kbira. S’issa diġà tneħħew il-fanali tan-nofs u jidher li dalwaqt titneħħa l-pittura sabiħa kbira ta’ San Pawl li hemm wara l-artal. Hu minnu li xi darba għandu jibda jintuża ċ-ċentru ġdid ta’ San Pawl tat-Tarġa iżda billi dan jidher li għadu lura ħafna biex jitlesta nħoss li l-Arċipriet kellu jistenna sakemm jitlesta dan il-proġett.

John Grech
Naxxar