24 ta' Diċembru 2006
Buddist fil-knisja

Jien u l-familja tiegħi erġajna morna Għawdex biex nattendu l-edizzjoni tal-Milied tal-Gozo International Celebration (GIC) u din id-darba stedinna l-ħabib tal-familja li hu ta’ twemmin Buddista.
Għall-ewwel il-ħabib tagħna kien kawt għaliex kellu impressjoni ħażina ħafna tar-rit Kattoliku Ruman. Però ma’ l-ospitalità żewwiġna l-persważjoni u ħadmet.
Dan il-ħabib tagħna mill-Indja kien kuntent ħafna li ġie u qatt ma seta’ jemmen li l-Knisja tagħna hi tant miftuħa għat-twemmin differenti. Grazzi lill-organizzaturi li għal darb’oħra varjaw ħafna l-programm.
Ftit ftit, jekk kull parroċċa tiftaħ idejha b’dan il-mod, it-twemmin Kattoliku jkollu futur isbaħ, aktar inklussiv u verament it-twemmin tagħna jkun universali li jilqa’ lil kull bniedem, hu ta’ liema reliġjon hu.
Grazzi mill-qalb lill-Arċipriet tal-Qala tal-kant sabiħ u spontanju tiegħu.

Marita Attard
Mellieħa