10 ta' Diċembru 2006
Il-kuntratt għat-tagħmir mediku

Frar 2002
Ħames kumpaniji jidħlu għat-tender tal-kuntratt għat-tagħmir mediku għall-isptar Mater Dei

Mejju 2002
Il-Fondazzjoni għas-Servizzi Mediċi tirrakkomanda li l-kuntratt jingħata lill-konsorzju Ġermaniż Hospitalia.

Diċembru 2002
Id-direttur tal-kuntratti jħabbar li l-kuntratt se jingħata lill-kumpannija Taljana Inso. Is-Simed u l-Hospitalia jappellaw.

3 ta’ Marzu 2003
Jibda jinstema’ l-appell.

1 ta’ Ottubru 2003
Il-bord ta’ l-appell jirrevoka l-għoti tal-kuntratt lill-Inso. Il-Hospitalia huma skwalifikati filwaqt li l-bord jirrakkomanda li jinfetħu negozjati mas-Simed biex jiċċaraw xi punti fit-tender tagħhom. Il-bord, iżda, ma jiskwalifikax lill-Inso.

26 ta’ Diċembru 2003
Toħroġ l-aħbar li l-Gvern jagħti l-kuntratt lill-Inso. Jgħid li ż-żmien kien qed itul iż-żejjed u ma setax jistenna aktar.

29 ta’ Diċembru 2003
Id-direttur ewlieni tas-Simed, Zoodsma, jasal Malta. L-Olandiżi, f’diversi kummenti lill-media Maltija jallegaw li l-Gvern Malti seta’ kellu pressjoni mill-Gvern Taljan biex il-kuntratt jingħata lill-Inso bħala tpattija għall-iffirmar tal-Protokoll Taljan.

1 ta’ Jannar 2004
Iffirmat il-Ħames Protokoll bejn Malta u l-Italja.