10 ta' Diċembru 2006
Parking riservat bla permess

Il-problema tal-parking f’Malta jafha kulħadd. Il-Ħamrun u l-Marsa mhumiex eċċezzjoni.
Din il-problema tkompli tikber għaliex xi nies, speċjalment sidien ta’ ħwienet, jirriservaw post għall-parkeġġ quddiem il-ħanut tagħhom.
Dan jagħmluh billi jpoġġu affarijiet bħal kaxxi jew ġebel biex ħadd ma jipparkja quddiemhom. Safejn naf jien dan isir mingħajr permess.
Nistaqsi lill-awtoritajiet biex jaraw x’passi għandhom jieħdu kontra dawn il-persuni għax it-triq hi ta’ kulħadd mhux tan-negozjanti biss.
Kevin Tanti
Santa Venera