26 ta' Novembru 2006
Sant isaħħaħ idejh
Nathalie Attard tgħid li mhux hi ‘s-serp’
Kienu tliet laqgħat diffiċli bejn il-mexxejja tal-Partit Laburista li wasslu għall-kompromess bejn Alfred Sant u Michael Falzon fuq il-futur ta’ Nathalie Attard, membru ta’ l-eżekuttiv u assistenta personali ta’ Falzon, li kienet indikata bħala l-persuna li allegatament infurmat lill-Partit Nazzjonalista dwar laqgħa ta’ kuntratturi fil-kwartieri tal-MLP.

Korruzzjoni f’kull livell
“F’pajjiżna, aktar ma jgħaddi ż-żmien, aktar qed tidħol il-korruzzjoni,” jistqarr Dun Victor Grech li f’intervista li qed tidher illum isostni li l-korruzzjoni qed tidħol fis-soċjetà Maltija taħt forom differenti.

Qraba ta’ l-Imnieħru jiżgiċċaw mil-Liġi dwar il-ħasil tal-flus
Julia Farrugia
Il-kumpanija tal-qraba ta’ l-Imnieħru, Special Cleaners Limited, laħqet ħadet Lm2,683 mill-Gvern Malti għal żewġ kuntratti differenti li ngħatat.
Dokument li għandha f’idejha din il-gazzetta jikkonferma li l-kumpanija Special Cleaners tħallset Lm1,452 ta’ xogħol li l-kumpanija għamlet fis-Segretarjat ta’ Carmelo Mifsud Bonnici.